Rev 17 | GbrGAW | STEP | Zaknayi n na amalaika n ɓa ɓei ze anyasan anukwoyi ya nyi, wa ɓe wa daɓo n mi yi, wa gna, “Ɓe ngnisum n miyi, ma wuho oɓo n kwo ye kwa bwa Karuwa Tawoɓo ye, n wo sase tu n na anuwan yakwo anyi nya nyi.

Revelation of John 17

Nyikwoza Byei-byei

1 Zaknayi n na amalaika n ɓa ɓei ze anyasan anukwoyi ya nyi, wa ɓe wa daɓo n mi yi, wa gna, “Ɓe ngnisum n miyi, ma wuho oɓo n kwo ye kwa bwa Karuwa Tawoɓo ye, n wo sase tu n na anuwan yakwo anyi nya nyi. 2 Asu anyi nya nku aɓo a nukwoyi zhin n woi. Aza n ɓafi n anyi nyi n ku wo nuwan nukwoyi sin, a ɓenukwoyi nya.”

3 Malaika wa lami dna n Zafun, yalo bmana. Nɓo magye nyikwoza n sasetu n Nyawan-nyawan, n wu n byei-byei ciwu, n na atukwoyi ngun tnaba, n na amwayi gyi ngun awo, n nya yi kakpe nɓa, n ɓa tu Shekwoyi eye cegye. 4 Nyikwozai n jekpei kpe bmina-bmina ndohoi kpe ciwu, n nyigunyi zhin n Zinariya yi, n lu-lu manayi, n na akutabmiya-bmiya yi, n ebwe yi shi zinariya nya, n nunuyi n wye bwo yi, asisi nya, a cegye owo anagbai nya.

5 A na a sigyi eye yi kakpe n wo nyikunmi, “Babila Dnagmayi, a karuwa ʼya n na Ashan yi n na gba vinya n na anyi mi.”

6 Magye eje kwoi zhin nyikwozayi, eje aza gyi-gyi-yi ami nya, azafi Yesu anya n wa wu. Ma shiwo awye, ednayi womi.

7 Malaika wa nyami ge, “Kninu zhin cei wo hoa? Miɓa wuho owo, ma wuho nyawan-nyawan n wo gun nyi, nya n wo zhin kwo dogbe. 8 Wo ɓei n wye-wyeyi ama nsaiye woto lon. Ama esafyewyi woɓa gmiɓe n bwokun tna cei, walo bwi-bwi nyalo-nyalo nya. N azai nɓa fi n anyi n ɓa aye to kafi lo n Littafi wye-wyeyi nya nyin, kafin a zhin anyi, ce ɓei woɓa nɓa ɓei gyewo n wo efi avun.

9 “Nsaiye, zhin nubo n mwa, owo amwayi ngun tnaba zhin ezhi yakwoho nu, n mitu n ape ngun tnaba, aba n nyikwozaye sase nyi. 10 Ɓa zhin dogbe asu ngun tnabanu, ngun atnu nla miya, tnanyi yi gyi ebelo nsa ye, tnabayi to ɓe kpan, ama woto ɓei gyi ebe n mwasan. 11 Nyawan-nyawan ciwuyi ye n wa finyi, owo nu zhin esu nyimwanymwayi, woku ebe shin gyi ngnisun n na asu tnabai, woɓei gyi ebe n jesun n wo begyi bwabayi ye, avun woi lo a bwi. 12 Owo amwayi ngun awo zhin asu ngun awo nu, n ɓa to gyi ebe kpan, aɓei kni ɓa, ɓai gyi ebe esa fyewyi, ngnisun n woi. 13 Oɓa vinya ɓei tu obwa n takarda ɓoi gawo oɓa kala vinya n ikoi. 14 Ngnisun, ɓa ɓei sun okun n Kugyai. Kugya ɓei gyi nasara nɓa tukwo, gama owo nu zhin a dagayi Dagayi. Esu aje Esu, owo aza nu zhin ayi-yi-i a kni-kniyi, a gbenuyi.” 15 Anuwan yakwo, ala, n na adnai n nyikwozai sase tu nyi, ɓanu zhin aza vinya n na abyei vinya n na akniyi.

16 Nyawan-nyawan byei-byei n wo amwayi ngun awo, zhin dogbe n na asu yi ngun awo n ɓa ɓei gyi ebe ngnisun n woyi – ɓa wun nyikwozai nu, ai cewo okun ai fawo n bwotoloyi ena kwoi gyi wo. 17 Gama Shekwoyi ɓei dnaɓa shiri nɓa nubo zhimi, shiri n kwo ɓanu wo beye. Ɓa ɓei gun egbe ɓa ga nyawan-nyawan byei oɓa ebegyi, n na abai Shekwoyi ɓeda kwa nu. 18 Nyikwoza yi n ha gye n ho ruya nyi, owonu zhin ezhi dnagmayi n kwo gyi ebe tu n asu anyi nya tukwo nyi.